Kvifor du veit det

Du veit det fordi dagane er ljose og lange. Du veit det fordi graset er grønt, blomane mange, og fordi lufta er herleg varm. Du veit det fordi biene summar, fuglane syng og måkene skrik. Du veit det fordi du går berrføtt. Du veit det fordi det er turistar i gatene og inni butikkane og i bussane.

Du veit det fordi det er brudekjolar og slør og kyss utafor kyrkja. Du veit det fordi all verdas vossingar samlast ved softis-kiosken. Du veit det fordi det er kubæsj på stølsvegen. Du veit det fordi du har myggstikk på leggen og armane og i panna.

 

Du veit det fordi det kitlar i magen og kriblar i kroppen. Du veit det fordi du lyt køyre bak campingvogner

på veg heim. Du veit det fordi det luktar grillmat og tennvæske. Du veit det fordi skuleveska er tom for bøker, og istaden inneheld solkrem, is-te og strandmatte. Du veit det fordi du kan plukke desserten ute i hagen.

Du veit det fordi du kjenner med heile deg at den er der. Sommaren altså.

Og det er så godt! Det er berre så veldig godt at det er sommar.

Det var alt eg ville sei idag. God sommar berre. 

Eg lagar

Elisabeth har ein fin blogg. Eg vert stum av beundring av kreativiteten hennar. Hekla baby-converse-sko, kjoler, kort og mykje anna fint er å finne på bloggen hennar her:

 For tida har Elisabeth ein giveaway, og eg formoder at premien vil vere noko riktig så fint og heimelaga, så det er nok verdt å ta ein titt berre for det.

Vårdagar er...

...eit aldri så lite middagsselskap for gode vener.

...kos på Festningen.

...å hoppe for våren.

...ein kul fyr på besøk.

...at korpsmusikken spelar opp til ekte 17.mai-stemning.

...når Eivind stel is.

...når det er fine folk på 17.mai-fest hjå oss.

...å freiste å lage rømmegraut for anleiinga.

...at piknik-korga vert pakka med jordbær og saft. (Kvifor ete inne når graset er grønt? Frøken Dagros anm.)

...avskjedsfest for Reidun som flyttar.  

...mange smiiiil til kamera!

...gode jenter.

...mangel på sol og derav tidenes mest melkekvite bein, med nye sandalar og turkis neglelagg for å kompensere.

...mange menneske i parken.

...at bøttegrillen er tatt fram, og lammekotelettar får svi.

Kva er vårdagar for deg?

Gi bloooood

I forigårs ga eg blod. Det burde du prøve óg! Det er ikkje vondare enn ein blodprøve, du får god-kjensle (og premie, men det er ikkje så viktig for den største gleda ein kan ha det er å gjere andre glad, veit du), og du får hjelpe ved å redde liv. Kvifor ikkje? Gå inn hit då vel!

Medan eg sit

Du veit ein sånn dag der sola har varma opp soverommet ditt lenge, og du vaknar opp litt sånn rar i hovudet fordi du ikkje skjønar heilt kvar du er, du snur deg og ser at mannen din ikkje er på skulen sjølv om klokka er elleve og han skulle vore der åtte, det kjennes som om det er sundag og ikkje fredag i det heile for helga er visst igang allereie virkar det som, og når du seier "Eivind du har visst forsove deg" så mumlar mannen berre at det har han ikkje, for han skal vere heime idag og hjelpe meg med å pakke og rydde til me skal til Berkåk for det kan eg ikkje gjere aleine syns han, og du kjenner at det er veldig godt at han berre ligg ved sida av deg i senga berre.

God påske

Følg min blogg med bloglovin

Ville ønske alle ei god påske, og meddele at eg no er på bloglovin ;) Følg meg gjerne der!

I midten av mars månad

I midten av mars 2005 var eg russ i Balestrand. Eller, eg førebudde meg iallfall til det. Mars i Balestrand var sørpete bratte vegar, korturne, skulearbeid og internatliv.

I midten av mars 2006 var eg eittåring i Voss KFUK/KFUM. Mars som eittåring var planlegging av leir, korsong, London-tur og nye vener.

I mars 2007 hadde eg arbeidslaus på Voss. Mars som arbeidslaus var masse fritid, nye hobbyar og ny kjæreste som heitte Eivind.

I mars 2008 jobba eg igjen. Mars med jobbing var nye menneske, fredagsturar og nye evner.

I mars 2009 hadde eg jobba ganske lenge i barnehage. Mars som barnehageassistent var mykje utetid, besøk hjå familie, bryllaupsplanar og nye idear.

No, i mars 2010 er eg student i Trondheim. Mars som student er forkjølelse, det å vere gift, tjukke bøker, forelesingar, venekveldar og by.

Tenk korleis livet forandrar seg stadig! Mars er liksom så sørpete og grå, daglegdagse ting er så veldig daglegdagse i mars. Men er ikkje kvardagen nokså fin i grunn?

Det tykkjer eg! Iallefall idag...