Mitt første år som masterstudent

Plutseleg heilt ut av det blå var endå eit år gått! Og eg har ikkje blogga i heile tatt. Sett slik! Eg klandrar Instagram. Blogginnlegget denne gongen vert grunna langt fråvér ein årskavalkade av skuleåret 12/13.

Sommaren 2012 var ein av dei våtare eg kan hugse, og var fort forbi. Over kan de sjå ein lystig gjeng på kanotur i Nærøyfjorden. 

Hausten kom fort. Eg gleda meg over forloving mellom desse to fine fuglane, her på Sverigetur med Giorgios fossresor.

Me fekk endeleg helse på Martin, og lærte han opp i sykkelkultur og sykkelteljartriks.

Lushjula starta som vanleg tidleg, med superkoseleg trening ein grå haustmorgon.

Eg var ein tur på Studentersamfundet og såg på Rannveig som dansa tappert med vond fot.

Og plutseleg var det thanksgiving, som tradisjonen tru vart feira american style. Line tar her hand om kalkunen.

Eg pynta stova med ein prikkete julegris som seg hør og bør.

Og så fekk eg nytt kamera av Eivind. Over poserer eg og Kristina gladeleg foran juletreet på Torget.

Eg vart 26 og Eivind tente 3 lys på kaka for det.

Julaften vart feira på Rio med familien.

Giorgio er herved familiens fungerande handyman, og fiksa den småirriterande tyske klokko til Ida Synnøve natt til 1. juledag.

Eg kræsja husfreden på Sundve for å sjå Jon Anders aka Duckface igjen sånn bittelitt.

Også kom Kelly ein svipptur!

Nyttårsaften vart feira på Grauo med den her fine flokken med fyrverkeri.

Småblå gjensynsglede med Knut på tampen av ferien vart det også tid til.

Og så gjekk me i vinterdvale. Her representert av trøtte gjester i sofaen vår, som hadde vore litt for lenge i klorvatn på Pirbadet.

I påska reiste me til Voss igjen, og tok blant anna ein tur til Dale med tanteungar og svigerfamilien.

Og så gravde/kavde me oss ein tur til ei hytta på ein haug. "Maskinene" Marit og Eivind var vel kanskje mest ivrige nå det gjaldt gravinga.

Eirik var også med. Men han og eg gjorde sjølvsagt andre viktigare ting enn snømåking. Smelta vatn for eksempel.

Over kan de sjå bakhovudet til Åsmund og ein heil masse pølser og pinnebrød. 

Den årlege påskeeggjakta fant stad, og eg fann mitt egg i ein busk ute i hagen på Rekve.

Så var det tid for ein god dose kos og pepp på Lund!

Me gjorde unna nokre eksamenar i Trondheim, og returnerte til Voss for å få med oss at denne flotte jenta konfirmerte seg i maisnøen.

Så var det tid for ungkarskvinnefest (bachelorette party) for mi nydelege bestevenninne Iselin. Her er ho ganske så gira og har nettopp flydd i vindmaskin.

Etter isbading, flyging, turistaktiviteter, gårdsprøve og spa, avslutta me dagen med pizza og prating.

Tilbake i Trondheim sto me ei lita stund under Elgseterbrua saman med denne kule tulle-Sirien.

Og så feira me litt 17-mai med solbriller på.

Me dro på Fairytale Cupcakes for glasuren si skuld, og Siri og Rannveig var festfine med ei reke til overs.

17-mai vart avslutta med grilling i Korsvika i skumringa.

Og så var plutseleg eksamenane over og sommaren var her att. Det er slett ikkje så ille å vere masterstudent igrunn!

Sommaren er kort...

Det meste regna bort. Men eg hugsa jo på å ta fram kameraet innimellom slik at me kan minnast at også denne sommaren hadde solskin og varme. Me byrjer med eit aldri så lite bryllaup for mi gode venninne Kelly og hennar gode mann Mats:

Eg hadde med meg min gode mann Eivind som hadde langt hår og var kjekk i dress.

Etter bryllaupet flaug me heimom Trondheim for å ha eksamenar og ete eksamensfri- og masteroppgåveferdigkake saman med Kristina og Iselin.

Samt for å slå hol i ein pinata på ein meksikansk fest som Karla hadde laga til for veldig veldig mange folk i den vesle leilegheita deira.

Mesteparten av sommaren vår tilbrakte me på Voss der syrinane blomstra og høysåtane anga i sumarnatta.

Eivind hadde sommarjobb og eg var sjåfør. Det vart nokre tidlege morgonar for min del, her illustrert ved tøfler på føtene som resultat av at ei litt småtrøytt Anja gjekk rett ut og satt seg i bilen og køyrde til Vangen utan å sjå ned på beina.

Litt ekstermsportvekekos fekk eg også tid til med mi aller beste Ingebjørg.

Og så vart det jo nokre fjellturar sidan fjella på Voss er dei beste eg veit om.

Ovanfor her kan du sjå raspekakemiddag med kjøt røyka av oss ungdomen i samarbeid med onke Lars ein regntung ettermiddag.

Og ovanfor her kan du altså sjå mi gode besta som lærer bort bakekunstar.

Eg dro ein tur til Poole der det var Lushfest og ein smule regn som biletet over fortel litt om.

Men aller mest var det veldig moro å vere der og lukte på parfymar og såper og sjå på juleproduktshow og høyre fine konsertar og danse i gjørma.

Heime på Voss rakk eg å nyte av litt dyreliv, her i form av to små revungdomar som var nysgjerrige.

Og ein liten kattunge som nettopp hadde fått auge og krafsa og klora både på handa og i hjartet mitt.

Før me så dro til Rethymnon på Kreta og gjekk rundt og utforska gamle fort i solnedgangen.

Og me fekk tid til å berre vere oss to og det var så veldig veldig fint.

Me fekk også tid til å sjå på kunst. Eivind not so impressed.

Og jammen fekk me tid til å dra til denne fjellbyen med romersk historie også.

Og me fann til og med ferskvatn. Sjølv om eg er nokså vant til fossar så er det jo alltid kjekt å sjå ein som ikkje er norsk!

Me fekk tid til å sjå på kyrkjer ute på havet saman med søte damer i hatt...

...å gå att og fram og hit og dit i tronge gater..

...å dyppe snuten i basseng og ikkje minst i salte bølger på stranda...

...og til og med kjøpe pusekort, men då var tida ute så dei brukte me mest på flyturen heim igjen.

Eg fekk ein heil halv dag saman med min beste Jon Anders i heile verda og det var så koseleg!

Eivind hjalp faren med snuing av slått i Haobakkane ein seinsommarkveld.

Og det gjorde eg óg! Og når jobben var gjort så var sommaren over for denne gong. Det er ikkje mange veker sida siste bilete vart tatt, men temperaturen har falt nokre grader sida då og ute byrjer lauva å gulne på trea, så det er vel på tide å ynskje hauste velkomen. Eg har hatt mi fyste veke på masterstudiet i Funksjonshemming og samfunn, medan Eivind har gått to veker på sitt masterstudie i Fysikk. Me er igang og ser fram til endå eit år her i fine Trondheim!