I byrjinga var der ein blogg. No er der mange. Dette er ein av dei.

tirsdag, august 30, 2011

Ein, to, tre, hallo!

I sommar har me jobba, jobba, jobba. Men jammen har me gjort andre ting også. Sånn ca sånn her såg sommaren vår ut innimellom.

Oslotur der me var med Jon Anders som var hr. Flink og dansa og var med oss på museum og sjåpping.

  
  
Me reiste heim til Voss og feira to år som gift med grilling og pæresider på fjellet.


Eivind var hr. Kokk og serverte biff.


Kveldsbad er det beste om sommaren. Helst på fjellet når sola akkurat skal til å gå ned. Eg bada heile tida. Eivind bada her:


Blåtur med familie og is, grill, kultur og bad.


Fine Kelly kom på besøk og me såg på jettegryter i tøysko. Og så bada me i regnet og dro på overraskelsesbesøk med pappa sine klede på.


Ingebjørg er fin og fekk besøk av meg i feriehuset deira i Hardanger. Det var eit sånt bestemorhus med leppestift på lampane og roser i hagen og hundre tekoppar.


Me var på museum og høyrte på hardingfele og såg på gamle hus og var redde for mus.


Sånn ca her er favorittstaden min. Helgaset med med kvite bjøllesauer, myrull, gras og klare, reine fargar.


Sånn ca han her er favorittmannen min med krøllar, mjuk panne og varme klemmar.


På Voss var det minikattar som ville liggje i fanget av og til, men aller helst sprette hit og dit og på ein kvist.


Så var det sommar i Trondheim med bringebærsjokoladekake og Siri som er ein lurifax.


Og 5000 "Tru, håp og kjærleik"-posar som skulle pakkast.


Me gjekk turar til for eksempel Korsvika der eg hoppa opp og ned og landa sånn her:


Me var solbrillefine og smilte på tusen bilete som ikkje blei fine og så tok me dette:


Og så var me i botanisk hage og såg på blomane som song på siste verset og på ein brun andungdom som dreiv med dykkertrening og som klødde seg på magen med føtene i veret. Og eg lo for den var så morsom.


 Og plutselig hadde Eivind hatt to eksamenar og så var me tilbake på skulebenken. Eg skal skrive mi
bacheloroppgåve i haust og håper den skal handle om død og sorg og vere fenomenologisk og det får eg vite om nokon dagar. 


mandag, juli 04, 2011

Bomullsky

Idag er det 2 fine år sida eg og Eivind gifta oss. Bomullsbryllaup. Det har gått så veldig fort! Eg er så utruleg takknemlig for mannen min, og blir berre meir og meir glad i han. Idag er mimredagen. Sjå tilbake på bileta og tenke på talane og sommarfuglane i magen. Og så må me shoppe. Klede. Bomullsklede sjølvsagt. Mykje meir moro enn ifjor då det var papirbryllaup. Og så kjenner eg på meg at det vert noko grillmat utpå kvelden saman med Herljunga Cider (som me serverte i bryllaupet og som ikkje fell inn under Eivind sitt "eg skal aldri drikke brus meir i heile mitt liv"-løfte). Fantastisk dag. Det gjer meg så glad!








torsdag, mai 26, 2011

Hei mai!

Påsken vart feira hjå oss i Trondheim i år. Lars Olav og pappa kom opp på besøk, og me kosa oss masse med by-påske. Grilling i Korsvika, tur til botanisk hage, pinnekjøt og Mario Kart gjorde susen, og påske her freister til gjentaking. 


 Hurra for grøne tre, blomar i parken og varmare dagar! Byrjinga av mai var heilt fantastisk, og me brukte mykje av tida vår til pensumlesing, grilling og soling i parken.


17. mai blei feira svært så tradisjonelt med overdådig frukost hjå Kristina og Iselin, folketog (med stort barteinnslag), Mövenpick-is, regnbyger og fest hjå oss på kvelden. Syns Norge er så bra!


No er me midt i den travle eksamenstida, og les og søv og et for det meste. Prøver å skvise inn noko sosialt liv inn i kvardagen no og då. Me gler oss til sommarferie og nokre månader på Voss med nattbad, sauebreking, fjellturar og familie. Har begge fått flotte sommarjobbar (eg i omsorgsbolig for utviklingshemma, Eivind på Voss Kommunikasjon) og er så takknemlege for det.


Hurra!

tirsdag, april 05, 2011

Jah...

Eg hadde i alle fall ein fin PLAN om å skulle blogge frå Thailand...! Men i den fine planen min var det ikkje tatt høgde for at det i Thailand og kunne vere begrensa med internett-tilgang. Så slik gjekk det!

Thailand var veldig veldig bra. Har ikkje mykje anna enn det å sei. Legg ut litt bilete, så får dei tale sin sak.










onsdag, februar 16, 2011

Dagen før avreise

Idag er dagen før avreise til Thailand. Eg har sjølvsagt ikkje byrja å pakke og føler meg tildels uførebudd. Er liksom litt i stuss på korleis ein førebur seg til ein slik tur. Har tenkt at "Oi, kanskje eg burde ha gjort deeet ja..." veldig ofte idag. Eg får ta den praktiske førebuinga no desse timane før eg legg meg, og så tar eg det mentale as we go along. Har trass alt ei lang reise foran meg. Idoform i magen, pass, flybillet, lange skjørt i sekken, og Bibel og notatbok. Vonar eg kjem eit stykke på veg med det. Dag har informert oss at me får kjøpt det meste til ein svært billeg penge i Thailand uansett.
Har vore ganske sjuk etter det eg trur var matforgiftning den siste veka, og ønskjer helst ikkje å oppleve dette igjen. Så be gjerne for det, samt at eg får masse energi og held meg glad og fornøgd. Hadde vore så fint om alt hadde gått heilt knirkefritt!
Kelly informerer om at det er 35 grader i Bangkok idag. Litt av ein temperaturforskjell frå Trondheim med sine minus 5 og iskalde vind! Kan nok leve med det.
Gler meg til solskin, smilande andlete, nærvær, vakre landskap og flotte menneske! Ønsk meg god tur då :)

onsdag, januar 26, 2011

Quest Goes Thailand

Som sikkert mange har fått med seg så drar eg på Outreach med Quest i midten av februar. Me vert ein gjeng på seks stykker tilsaman. Anja, Kelly, Mats og Kristina frå Quest, og Dag (lærar på bibelskule og med hjarte for Thailand) og dotter hans på 6-7. No har eg akkurat fått vite eit ca.program for opphaldet der, og har endeleg noko handfast å forhalde meg til. Det verker som om me skal få ta del i mykje bra, og eg gler meg veldig!

Me (Quest) lander i Bangkok 18. februar. Der vert me møtt av ei lokal kontakt som heiter Goi. Ho tek oss med derifrå direkte til Pattaya, som ligg søraust for Bangkok.
I Pattaya skal me ta det med ro og kvile ut nokre dagar, før me set kursen mot ein nordaustleg provins kalla Ubon Rachathani. Der ligg byen Khemmarat, som me skal ha som base den neste lille veka. Her skal me samarbeide med ei lita kyrkje med ein visjon om å nå barn og unge i dette området. Her veit me ikkje 100% kva oppgåvene våre kjem til å gå ut på, men me kjem truleg til å halde på med engelsk undervisning, lovsang, møter osb. Så me får forberede oss godt, og så snakke med dei som driv kyrkja kva dei ynskjer når me kjem dit.
Khemmarat ligg ikkje langt frå Laos, så truleg tek me oss ein tur over grensa ein dag også.
Etter dette drar me ned att til Bangkok for å møte Dag og dotter hans. Me skal delta på ei gudsteneste i Bagna Christian Fellowship, der Dag gjekk då han budde i Thailand.
Så skal me vere så heldige å få vere med på den årlege konferansen til Ethnos Asia Ministries.
"EAM's vision is to mobilize the Body of Christ worldwide for ministry to access-restricted nations in Asia. Provide training to national leaders, Bibles and Christian literature. Help meet the physical and material needs of Christians who are persecuted and in very difficault circumstances."
På denne konferansen er leiarar frå ulike undergrunnsmenigheter i 12 ulike land/regioner i Asia samla i Bangkok, for å fortelje om sin misjon, gje kvarandre støtte og oppmuntring. Me vert med for å høyre kva Gud gjer i dei ulike kyrkjene, og for å be for og oppmuntre dei ulike menighetene. Me kjem til å møte så mange flotte folk, med så mange sterke historier, at det nok vert oss som får mest att av dette.
Etter konferansen skal me til Nonthanburi provins rett nord for Bangkok, der me skal ha ein Gospel Campaign og trening for truande. Her vert me med på å ha undervisning/trening, song, og å lede møte for innbyggjarane i Nonthanburi.

Sånn kort oppsummert.
Er veldig rart å snart skal reise og faktisk vere med på alt dette! Det vert så spanande, framand og uverkeleg. Har drøymt lenge å få vere med på Outreach i akkurat Thailand, så då Dag opna for moglegheita til dette så kjende eg at eg måtte svare ja. Eg hadde vorte utruleg takknemlig for forbøn frå dekan her heime i Noreg.

 Be gjerne for:
- tida vår i Khemmarat, at me får god kontakt med dei lokale og når fram med godt budskap
- sjølve møta
- at kampanjebudsjettet for Nonthanburi skal falle på plass
- konferansen og leiarane i EAM
- dei lokale teama der nede
- maks promotering både i sjølve kampanjeomr. og i områda omkring
- at møta skal fyllast med unådde menneske
- etniske Thai
- at Jesus skal dominere alle møta og kvar dag me er der nede
- beskyttelse for oss i teamet; reise, opphald, helse, åndeleg
- for økonomisk bistand til oss som reiser

Hurra! No drar me snart!

tirsdag, januar 11, 2011

Vinter

Eg hoppar frå haust til vinter. Nyttårsføresett i år vert å skrive minst eitt blogginnlegg per månad.

Minioppsummering er som følger:

  Hausten min har vore fin og kort. Brukt mykje tid med denne flotte gjengen med Questarar.  
 
Var ei veke på Mallorca med fineste Kristina. Me duppa på flytemadrass i Middelhavet, klipte oss i Palma, gjekk i dryppsteinsgrotter og åt dessertar. 
Då me kom heim var Trondheim vakker med høstfargar.
 Snøen kom i november. Og den vart verande. (Då er det godt å tenkje på at vinteren for min del stoppar i midten av februar. Då flyg eg med ein gjeng Questarar til Thailand! Hurrasukk frå botnen av hjartet!) 

Jula var anleis men fin. Eg merka av julegåvehandlelista mi at jammen har me mykje slekt og vener. Gleda meg over det. 
Kulturhusopning på Voss = 4 kjendisar (Kari Traa, Arne Hjeltnes, Linda Eide og Lars Sponheim for særskilt interesserte) + 1 porsjon ekte vossasjølvdyrkingsstemning.  
 
 No er me komne vel heim i leilegheita i Trondheim. Eg har vore ein tur på skulen, gitt blod, fått vintermummikopp i premie, sove lang middagslur, spist masse mango. Eivind har vore på forelesning, kjøpt ny gitarforsterkar, strengar og stativ, rydda kjøkken og stove, spelt masse gitar. Me er igang med kvardagen med andre ord.